முச்சக்கரவண்டியின் போக்குவரத்து கட்டணங்களைக் குறைப்பது தொடர்பிலான
முடிவை மேற்கு மாகாண தேசிய போக்குவரத்து ஆணையம் (NTC)தான் எடுக்க வேண்டுமென
அகில இலங்கை முச்சக்கர வண்டி ஓட்டுநர்கள் சங்கம் தெரிவித்துள்ளது.
இது தொடர்பில் அகில இலங்கை முச்சக்கர வண்டி ஓட்டுநர்கள் சங்கத்தின் தலைவர் லலித் தர்மசேகர தெரிவிக்கையில்,
மேற்கு மாகாண தேசிய போக்குவரத்து ஆணையம் சமீபத்தில் மேற்கு மாகாணத்தில் முச்சக்கர வண்டி போக்குவரத்து கட்டணங்களை ஒழுங்குபடுத்த முடிவு செய்துள்ளது.
அதன்படி, அவர்கள் முச்சக்கரவண்டி போக்குவரத்துக்கான புதிய நிலையான கட்டணங்களை நிர்ணயித்தனர். முன்னதாக, முதல் கிலோமீட்டருக்கு ரூ. 100 மற்றும் கூடுதல் ஒவ்வொரு கிலோமீட்டருக்கும் ரூ. 90 என கட்டணத்தை நிர்ணயிக்க முடிவு செய்யப்பட்டது.
எனினும் இந்த முடிவு செயற்பாட்டில் இல்லை. எனவே, முச்சக்கர வண்டியின் போக்குவரத்து கட்டணங்களைக் குறைக்க நாங்கள் எந்த முடிவையும் எடுக்க முடியாது. ஏனெனில் அது மேற்கு மாகாண தேசிய போக்குவரத்து ஆணையத்தின் பொறுப்பு என அவர் மேலும் தெரிவித்துள்ளார்.
Leave a Reply